اشكي علـيـك الحـال يا عـالـم الحال
الحال ضـايق وانـت عـارف بضيقـه
كل البشر ما يـعـرفـوا ويــش بالـبـال
وانـت الوحـيد اللي تـشوف الحقيقة
الجـسـم واهن صايـبه وهـن ونحال
والقلب يحـرق ويـش يطفي حريقه
والعـيـن فـيــهـا سـهد والـدمـع زلال
والـروح يطـلـع فيـضـها بالـدقـيـقـة
صابـر بضـن الصـبـر مـفتاح الاقفال
والصـبر رغـوا الهـم صـارت بـريـقه
يا مـا صـبرنا والزمـن حـولـنـا طــال
يا مـا بـرز حـجـم الـحـيـاه المـعيـقـه
تخنـقـنـي العـبـرات فـي حل ورحال
حامـل ظـروف الدهـر وام الربـيـقـه
ان شـفت حولي كـل من هادئ البال
يضحك وانا كيف ابتسم كيف طيقه
ارسـم علـوم الضـحك والـدمع تنهال
تفـضـح صدى كـذب اللـسان وذليقه
عايـش مـع عالـم عـدم خارجي خالِ
خـالي من احياء النـفـوس العـريـقـة
شـموس نار وطيـنة الأرض صلـصال
يا مـا وطـتـهـا سـاق تـمـسي غـريقـه
اللهـم هـد الحـيـل والضــيــق قــتــال
والحـزن اغـــدا سـيـر دربـي رفـيــقـه
اغدا رفيق الدرب في شـمـس وضلال
يا ونـّت الـي صــار هـمـــه صــديـقـه
